गोरी! खोलs केवारी

 बा आइल बसंता दुआरी प, ए गोरी! खोलs केवारी।
उठल बा ताल ठकुरबारी प, ए गोरी! खोलs केवारी।।
नखड़ा देखावsतिया पुरवा बेयरिया
पिअरे पियर भइल दिल के बधरिया
मनs लटू हमार फुलवारी प, ए गोरी! खोलs केवारी।
उठल बा ताल ठकुरबारी प, ए गोरी! खोलs केवारी।।
कलियन से भौंरा करत बा ठिठोली
जिया के छेदतिया कोइलर के बोली
तनि ढरिं ना एह ब्रम्हचारी प, ए गोरी! खोलs केवारी।
उठल बा ताल ठकुरबारी प, ए गोरी! खोलs केवारी।।

टिप्पणियाँ

लोकप्रिय पोस्ट

मुखिया जी: उमेश कुमार राय

मोरी मईया जी

जा ए भकचोन्हर: डॉ. जयकान्त सिंह 'जय'

भोजपुरी कहानी का आधुनिक काल (1990 के बाद से शुरु ...): एक अंश की झाँकी - विष्णुदेव तिवारी