आरे रे रे बड़ी डैंज-रस बा करोना: हरेश्वर राय

कहsता लोग मुंहवा बनाके तिकोना
आरे रे रे बड़ी डैंज-रस बा करोना।

बन्द बाटे खिड़की आ घर के केवाड़ी
सबके जिनिगिया में लागताटे नोना।

जेने देखsतानी ओने मुंह में बा जाबी
होशियार होशियार खांसो छींको ना।

जान बाटे तबहीं जहान बा ए बबुआ
ओढ़ि ओढ़ि कमरी घीउआ पियो ना।

प्रेमवा के दुश्मन करोना निसतनिआ से
रोज -रोज दू -दू हांथ सभे करो ना।

टिप्पणियाँ

लोकप्रिय पोस्ट

मुखिया जी: उमेश कुमार राय

जा ए भकचोन्हर: डॉ. जयकान्त सिंह 'जय'