मोर बालम बिमान से नेपाल घूमता: हरेश्वर राय

लोग देसवा के लेइके सवाल घूमता
मोर बालम बिमान से नेपाल घूमता।

जेकरा टिकठ एमेले के चाहीं असों
उ कइ - कइ गो लेके दलाल घूमता।

जेकर रेकड़ पुरान जान मारे के बा
उ अंजुरिया में लेइके गुलाल घूमता।

जवन चोर-बटमरवन के सरदार बा
अपना संगे उ लेके कोतवाल घूमता।

जेकरा काठी जरावे के नइखे सहूर
उहो हाथ में उठवले मसाल घूमता।
हरेश्वर राय, सतना, म.प्र.

टिप्पणियाँ

लोकप्रिय पोस्ट

मुखिया जी: उमेश कुमार राय

जा ए भकचोन्हर: डॉ. जयकान्त सिंह 'जय'