हमार भोजपुरी: हरेश्वर राय



हमार भोजपुरी हमार भोजपुरी
सुनरो से सुनरी हमार भोजपुरी।

भोर के ललाई ई शाम के सेनुरी
सरसों के पियरी हमार भोजपुरी।

राधा के मुस्की लवाही के गुल्ला
मधुरो से मधुरी हमार भोजपुरी।

मिसिर भिखारी के पूर्बी पेआरी
फूलन के दउरी हमार भोजपुरी।

अंगना के चौरा के तुलसी हई ई
मोहन के बँसुरी हमार भोजपुरी।
हरेश्वर राय, सतना, म.प्र.

टिप्पणियाँ

लोकप्रिय पोस्ट

मुखिया जी: उमेश कुमार राय

जा ए भकचोन्हर: डॉ. जयकान्त सिंह 'जय'