प्रवेशिका परीक्षा ( इंटरमीडिएट इक्जाम ) भोजपुरी खातिर कुछ महत्वपूर्ण वस्तुनिष्ठ प्रश्न - उत्तर: डॉ. जयकान्त सिंह 'जय'


१. डॉ. उदय नारायण तिवारी के जनम कहाँ भइल रहे?
उत्तर - उत्तर प्रदेश का बलिया जिला के पीपरपाँती गाँव में।
२. डॉ. उदय नारायण तिवारी के ज्ञान के कवना क्षेत्र में महत्वपूर्ण योगदान बा?
उत्तर - भाषा विज्ञान के क्षेत्र में।
३. अखिल भारतीय भोजपुरी साहित्य सम्मेलन के पहिला अधिवेशन के अध्यक्ष के रहे?
उत्तर - डॉ. उदय नारायण तिवारी।
४. पटना में प्राच्य विद्या सम्मेलन कब भइल रहे?
उत्तर - अप्रैल, १९३० ई. में।
५. डॉ. उदय नारायण तिवारी सन् १९२९ में कवना विषय से एम. ए. कइले रहलें?
उत्तर - अर्थशास्त्र।
६. प्राच्य विद्या सम्मेलन में केकर भाषण सुन के उदय नारायण तिवारी उनका से मिल के आपन परिचय दिहलें?
उत्तर - डॉ. सुनीति कुमार चटर्जी से।
७. डॉ. सुनीति कुमार चटर्जी केकरा बारे में कहलें कि 'हमार जतरा सुफल हो गइल, हमरा एगो भोजपुरी चेला मिल गइल ह'?
उत्तर - उदय नारायण तिवारी के बारे में।
८. डॉ. सुनीति कुमार चटर्जी उदय नारायण तिवारी से बलिया के भोजपुरी के व्याकरण केकरा देख - रेख में लिखे के कहलें?
उत्तर - इलाहाबाद यूनिवर्सिटी के प्रोफेसर डॉ. बाबूराम सक्सेना के देख - रेख में।
९. डॉ. उदय नारायण तिवारी केकरा देख - रेख में ' ए डायलेक्ट ऑव भोजपुरी ' शोध - निबन्ध लिखले रहलें?
उत्तर - डॉ. बाबूराम सक्सेना।
१०. डॉ. उदय नारायण तिवारी के शोध - निबन्ध ' ए डायलेक्ट ऑव भोजपुरी ' सन् १९३६-३७ में कवना अंग्रेजी जर्नल में छपल रहे?
उत्तर - ' बिहार - उड़िसा रिसर्च सोसायटी के जर्नल में।
११. डॉ. उदय नारायण तिवारी कवना सन् ई. में हिन्दी से एम. ए. कइलें?
उत्तर - सन् १९३१ ई. में।
१२. डॉ. उदय नारायण तिवारी अपना डी. लिट्. के शोध - प्रबन्ध ' भोजपुरी के उत्पत्ति आ विकास ' केकरा देख - रेख में लिखलें?
उत्तर - डॉ. सुनीति कुमार चटर्जी।
१३. लंदन में डा. सुनीति कुमार चटर्जी से के कहल कि ' मैं कायस्थ भी हूँ, आधा मुसलमान भी हूँ ' ?
उत्तर - श्री शांति स्वरूप भटनागर।
१४. लंदन में डा. सुनीति कुमार चटर्जी से ' प्राकृत पैंगलम ' के व्याकरण लिखे के के कहलस?
उत्तर - डॉ. अब्राहम जार्ज ग्रियर्सन।
१५. डॉ. सुनीति कुमार चटर्जी के डी.लिट्. खातिर लिखत शोध - प्रबन्ध के निदेशक डेनिसन रास केकरा किरपा से लंदन यूनिवर्सिटी के बड़ अफसर बनल रहस?
उत्तर- डॉ. ए. जे. ग्रियर्सन।
१६. डॉ. सुनीति कुमार चटर्जी का डी.लिट्. के विषय का रहे?
उत्तर - ओरिजिन एंड डेवलपमेंट ऑव बंगाली लैंग्वेज।
१७. डॉ. अब्राहम जार्ज ग्रियर्सन के मृत्यु कब भइल रहे?
उत्तर - सन् १९४१ ई. में।
१८. हीरा डोम के कवन कविता सितंबर, १९१४ ई. में अपना ' सरस्वती ' पत्रिका में महावीर प्रसाद द्विवेदी छपले रहलें?
उत्तर - अछूत की शिकायत।
१९. हीरा डोम कहँवा के रहनियार रहलें?
उत्तर - पटना जिला के दानापुर आ मनेर का बीचे भोजपुरी भाषी गाँव के दियारा क्षेत्र के।
२०. हीरा डोम के कवना भोजपुरी कविता से हिन्दी में दलित चेतना के शुरुआत मानल जाला?
उत्तर - अछूत की शिकायत।
२१. ' अछूत की शिकायत ' कविता में केकरा से शिकायत कइल गइल बा?
उत्तर - भगवान से।
२२. डॉ. भागवत शरण उपाध्याय के जनम कहँवा भइल रहे?
उत्तर - सन् १९१० ई. में उत्तर प्रदेश के बलिया जिला के उजियार गाँव में।
२३. डॉ. भागवत शरण उपाध्याय कवना देस के उच्चायुक्त रहलें?
उत्तर - मारिशस के।
२४. अखिल भारतीय भोजपुरी साहित्य सम्मेलन का तिसरका अधिवेशन के अध्यक्ष के रहे?
उत्तर - डॉ. भागवत शरण उपाध्याय।
२५. डॉ. भागवत शरण उपाध्याय के नाम से छपल ' पारन ' रचना कवना विधा के लिखल रूप बा?
उत्तर - भाषण के।
२६. डॉ. भागवत शरण उपाध्याय से देहरादून में भोजपुरी बोले वाला एगो आदमी के रहस?
उत्तर - पंडित गया प्रसाद शुक्ल।
२७. स्विट्जरलैंड के बर्न नगर में भारतीय दूतावास में केकरा से भोजपुरी में बतियाके अघाइल रहलें डॉ. भागवत शरण उपाध्याय?
उत्तर - डॉ. सत्यनारायण सिंह से।
२८. डॉ. भागवत शरण उपाध्याय अपना भाषण में केकरा के आदि कवि कहले बाड़न?
उत्तर - बाल्मीकि के।
२९. ' बतिया त साँचे कह ताड़ हो बाकी ई हमके बताव कि लड़ेले त नजरिया आ बथेला करेजवा काहें? के केकरा से पूछल?
उत्तर - ननदोई से सरहजि पूछल।
३०. हिन्दी, अंग्रेजी, फ्रेंच, रूसी आदि अनेक भाषा के कवितन के पढ़े - जाने वाला डॉ. भागवत शरण उपाध्याय के सबसे अधिक कवन कविता प्रभावित कइले रहे?
उत्तर - रघुवीर नारायण के ' बटोहिया '।
३१. सन् उनइस सौ पचास ई. में छपल ' तीन द्वार सिंधु घहराय ' किताब के लेखक के ह?
उत्तर - डॉ. भागवत शरण उपाध्याय।
३२. ' जबतक कवि अपना भाषा आ भाव में, अपना प्रतिपाद्य में जीही ना तबतक ओकर कविता जनगर ना हो सकी।' ई केकर उक्ति ह?
उत्तर - डॉ. भागवत शरण उपाध्याय के।
३३. बट्रेंड रसेल के अनुसार साहित्य, दर्शन - विज्ञान आ संस्कृति कवना तीन चीज से बनेला?
उत्तर - साहित्य प्यार के पुकार से , दर्शन - विज्ञान ज्ञान के खोज से आ संस्कृति संवेदना से दूनों के संगम से बनेले।
३४. ' सब पुरान ठीक नाहीं ह, आ ना सब नया खराब ह।' केकर कहल ह?
उत्तर - कालिदास के।
३५. संस्कृत साहित्य में श्रृंगार के अर्थ में प्रयुक्त ' प्रसाधन ' शब्द के ट्वायलेस के अनुवाद बतावल उचित बा कि अनुचित?
उत्तर - अनुचित।
३६. ' रघुपति कीरति विमल पताका। दंड समान भयऊ जस जाका।।' के खड़ी बोली में अनुवाद ' राम सूर्य कुल की है झंडी। लक्ष्मण उस झंडी की डंडी।।' करे वाला के निराला जी का कइलें?
उत्तर - खड़ी बोली का ओह अनुवादक कवि के निराला जी जोरदार थप्पड़ लगवले रहलें।
३७. महेन्द्र शास्त्री के जनम कहँवा भइल रहे?
उत्तर - सीवान जिला के रतनपुरा गाँव में।
३८. ' चोखा, धोखा आ प्रदीप ' ई तीनों कविता संग्रह केकर ह?
उत्तर - आचार्य महेन्द्र शास्त्री के।
३९. ' उत्थान ' केकर कविता ह?
उत्तर - महेन्द्र शास्त्री के।
४०. महेन्द्र शास्त्री के उत्थान कविता के अनुसार के सबसे बड़ भइल बा?
उत्तर - किसान।
४१. उत्थान कवना विधा के रचना ह?
उत्तर - कविता के।
४२. उत्थान कविता के अनुसार केकर सपना पूरा हो गइल?
उत्तर - बापू ( महात्मा गाँधी ) के।
४४. रामनाथ पाण्डेय के जनम बिहार के कवना जिला में भइल रहे?
उत्तर - सारन जिला में।
४५. भोजपुरी के पहिला उपन्यास ' बिंदिया ' के रचनाकार के ह?
उत्तर - रामनाथ पाण्डेय।
४६. रामनाथ पाण्डेय कवना कथाप्रधान पत्रिका के संपादन कइले रहस?
उत्तर - चाक के।
४७. ' अँचरा के छाँह ' केकर लिखल कहानी ह?
उत्तर - रामनाथ पाण्डेय के।
४८. ' अँचरा के छाँह ' कहानी के मुख्य पात्र के बा?
उत्तर - रामलाल।
४९. ' अँचरा के छाँह ' कहानी के रामलाल के के बचवले रहे?
उत्तर- पिरितिया।
५०. पिरितिया के मरद आ बेटा के का नाम बा?
उत्तर - पिरितिया का मरद के नाम त्रिलोकी आ बेटा के नाम प्रकाश बा।
५१. ' अँचरा के छाँह ' कहानी के नायक रामलाल कवना गाँव के रहें?
उत्तर - रामपुर के।
५२. मनोरंजन प्रसाद सिन्हा कवना कालेज के प्रिंसिपल रहलें?
उत्तर - राजेन्द्र कालेज, छपरा के।
५३. मनोरंजन प्रसाद सिन्हा के भोजपुरी के कवना राष्ट्रीय कविता आजादी के लड़ाई में हथियार अइसन इस्तेमाल भइल रहे?
उत्तर - फिरंगिया।
५४. ' फिरंगिया ' कविता कवना चीज से सम्बन्धित बा?
उत्तर - देशभक्ति से।
५५. भारत के धन अंग्रेज कहाँ ले गइले सन?
उत्तर - इंग्लैंड।
५६. ' फिरंगिया ' कविता के अनुसार राजा प्रताप सिंह के का टेक रहे?
उत्तर - जान जाई त जाई बाकिर केहू के आगे सिर ना झूकी।
५७. ' फिरंगिया ' कविता के अनुसार अंग्रेजन के लगावल टेक्स के कवन - कवन नाँव रहे?
उत्तर - प्रेस एक्ट, आर्म्स एक्ट आ इंडिया डिफेंस एक्स।
५८. ' फिरंगिया ' कविता के अनुसार पंजाब के कवना घटना के इयाद कके कवि के हृदय फाट रहल बा?
उत्तर - जालियांवाला बाग में अंग्रेजन द्वारा भारतीय जनता पर बर्बरतापूर्वक गोली चलवाके लाश के ढ़ेर बिछावे वाला घटना के इयाद कके।
५९. भारतीय राष्ट्रगान ' जन गण मन ' के के लिखले बा?
उत्तर - रवीन्द्रनाथ ठाकुर टैगोर।
६०. रवीन्द्र नाथ टैगोर के कवना ' काव्य संग्रह ' खातिर नोबेल पुरस्कार मिलल रहे?
उत्तर - गीतांजलि।
६१. रवीन्द्र नाथ टैगोर कवना भाषा के कवि रहलें?
उत्तर - बंगला भाषा के।

सम्प्रति:



डॉ. जयकान्त सिंह 'जय'
प्रताप भवन, महाराणा प्रताप नगर,
मार्ग सं- 1(सी), भिखनपुरा,
मुजफ्फरपुर (बिहार)
पिन कोड - 842001


टिप्पणियाँ

लोकप्रिय पोस्ट

मुखिया जी: उमेश कुमार राय

मोरी मईया जी

जा ए भकचोन्हर: डॉ. जयकान्त सिंह 'जय'